സഹൃദയ കോളേജ് ഓഫ് അഡ്വാൻസ്ഡ് സ്റ്റഡീസ് “വയനാടിന് വീടൊരുക്കി സഹൃദയം”. കേരള മനസ്സിൽ ഒരിക്കലുമുണങ്ങാത്ത മുറിവായ് നോവായി മാറിയ വയനാട് ഉരുൾപൊട്ടൽ, ഒരൊറ്റ രാത്രികൊണ്ട് വീടടക്കം എല്ലാം നഷ്ടപ്പെട്ടവർക്കായി കേരളത്തിലെ എൻ.എസ്.എസ് 150 വീടൊരുക്കുന്നു, ആ സദുദ്യമത്തിൽ സഹൃദയ കോളേജ് ഓഫ് അഡ്വാൻസ്ഡ് സ്റ്റഡീസ് എൻ.എസ്.എസ് യൂണിറ്റും കൈകോർക്കുന്നു. സഹൃദയം പരിപാടിയുടെ ഔപചാരികമായ ഉദ്ഘാടനം ബഹുമാനപ്പെട്ട ചാലക്കുടി എം.എൽ.എ ശ്രീ സനീഷ് കുമാർ ജോസഫ് സഹൃദയ കോളേജ് ഡീൻമാരായ പ്രെഫ. വി.ജെ.തോമസ്, പ്രൊഫ. ഡോ. സനിൽ രാജ് ജെ , ഡോ. ഷീബ എം.ബി എന്നിവരിൽ നിന്ന് ആദ്യ ഡൊണേഷൻ സ്വീകരിച്ച് കോളേജ് എക്സിക്യൂട്ടീവ് ഡയറക്ടർ ഡോ. ഫാ. ഡേവിസ് ചെങ്ങിനിയാടനു കൈമാറി കൊണ്ട് നിർവ്വഹിച്ചു. തുടർന്ന് കോളേജിലെ വിദ്യർത്ഥികൾ, അധ്യാപകർ, നോൺ ടീച്ചിങ് സ്റ്റാഫ്, പൂർവ വിദ്യാർത്ഥി സംഘടന, പി ടി എ, എന്നിവരുടെ പ്രതിനിധികളും ആദ്യ തുക കൈമാറി. തദവസരത്തിൽ കോളേജ് വൈസ് പ്രിൻസിപ്പൽ ഡോ.കരുണ കെ. സഹൃദയം പ്രൊജക്റ്റ് വിശദീകരിച്ചു. ഫിനാൻസ് ഓഫീസർ റവ. ഫാ. ആന്‍റോ വട്ടോലിയും ചടങ്ങിൽ സംബന്ധിച്ചു.
